ПОСВЕТЕНОСТ ОД 2010 ГОДИНА
НИЕ ГО СЛУШАМЕ ВАШЕТО СРЦЕ
ПОЧЕТНА     НОВ ПАЦИЕНТ     ЗАКАЖИ ПРЕГЛЕД     УСЛУГИ     ЗА НАС                                                                                                                      in     t

Целосна посветеност на Вас и Вашето здравје!

Достапни за Вас, секогаш и насекаде!

Програма +

Вашиот личен лекар, секогаш со Вас, секогаш за Вас!

© 2018 COR Medico, PZU. All Rights Reserved           

 

                                                      АРХИВА 

 

 

Анафилаксата или анафилактичниот шок е сериозна алергиска реакција на телото, што се појавува неколку минути по доаѓањето во контакт со алергиски супстанции.

 

Супстанциите кои предизвикуваат анафилактична реакција се многубројни. Некои лекови, како што се пеницилин и аспирин, каснувања од инсекти (пчели, оси, пајаци), или некои прехрамбени продукти, од кои најчести се ореви, кикиритки, јајца, млеко, јагоди или школки, може да предизвикаат сериозни алергиски реакции кај луѓето.

 

При појава на алергиска реакција како:

  • Чешање;
  • Оток на лицето;
  • Гадење;
  • Повраќање;
  • Отежнато дишење;
  • Непријатно чувство при голтање;
  • Абнормален срцев ритам или едноставно
  • Слабост;

најпрепорачливо е барање на помош од лекар, заради тоа што ова се најчестите занци на Анафилактичен Шок.

 

Ако изостане навремена реакција, анафилктичниот шок може да го загрози животот на засегнатото лице.

 

Првиот чекор во спасувањето на оние кои се во состојба на анафилактичен шок е барањето на итна медицинска помош.

 

До нивното пристигнување, „жртвата“ мора да биде ослободена од било каква пречка: околувратник, појас, тесни пантолони и сл.

 

Од особена важност е да „жртвата“ се одржи во вертикална позиција, колку што е можно подолго, со цел олеснување на дишењето заради евентуалниот прекин или блокирање на дишните патишта, како резултат на воспаление на мукозата.

 

Ако се појави повраќање, „жртвата“ мора да биде поставена хоризонтално и свртена на десна страна (латерална позиција на безбедност). Ако пациентот е легнат на грб, тогаш може да дојде до враќање на дел од содржината која се повраќа и задушување.

 

Ако симптомите укажуваат на циркулаторни пречки, пациентот мора да биде поставен на грб, со подигнати нозе.

 

Заради опасноста или при појава на респираторен арест, потребна е и кардиопулмонална реанимација (вештачко дишење и масажа на срце).

 

Дали Вашето дете покажува знаци на алергија на храна?

  1. Отоци
  2. Отежнато дишење
  3. Повраќање
  4. Осип на кожата
  5. Чешање на грлото...

Барем едно од дваесет деца е алергично на барем еден прехрамбен продукт. Во последните две децении се забележува тренд на значително зголемување на инциденцата на алергија кај децата.

 

Поставувањето на дијагноза, мора да биде направена од лекар. Вообичаено тоа се прави преку кожни тестови, контрола на нивото на IgE, контрола на внесот на прехрамбени продукти и сл.

 

Третманот на алергиите најчесто вклучува рестрикција и исклучување на прехрамбениот продукт за кој е детектирана преосетливоста, постојано носење на епинефрин и антихистамин и строго придржување кон пропишаното мени.

Реалните ризици кои се секојдневно присутни за децата најчесто се однесуваат на делење на ужинка и користење на храна со непроверен состав… 

      

Ние го слушаме вашето срце!

 

НАЗАД...

 

Пиењето на алкохол во поголема или во некои случаи во помала количина, може да предизвика повреќање.

 

Повраќањето, било да е тоа за време на пијанството или следното утро, може да предизвика чувство на олеснување. Сепак, повраќањето може да предизвика проблеми, без разлика дали нагонот за повраќање се појавил сам по себе или намерно сте предизвикале повраќање.

 

Зошто луѓето повраќаат кога се пијани?

 

Иако повраќањето може да претставува природен начин за исфрлање на штетните материи, тоа сепак може да предизвика и проблеми.

 

Повраќањето е природен одговор на телото, за отстранување на потенцијално штетните материи кои се внесени преку пиењето на алкохолни пијалоци.

 

Кога телото го обработува алкохолот, тогаш црниот дроб го претвора во хемикалија која се нарекува ацеталдехид, која сама по себе е токсична. Потоа, црниот дроб го претвора ацеталдехидот во ацетат, кој може да биде отстранет од телото со претворање во вода и јаглероден диоксид.

 

Црниот дроб може да преработи само одредени количини на ацеталдехид во одреден период. Ако нивото на ацеталдехид е повисоко од она што црниот дроб може да го преработи, тогаш телото ќе го отстрани вишокот со повраќање.

 

„Брзото“ пиење на поголема количина на алкохолен пијалок, обично е причина за повраќање. Под „брзо“ пиење се подразбира испивање на околу четири до пет пијалоци во текот на два часа.

 

Други фактори кои би можеле да предизвикаат повраќање:

 

Гастритис

 

Пиењето на алкохол може да услови и продуцирање на повеќе киселина во желудникот.

 

Ваковото насобирање на киселина може да ја надразни слузницата на желудникот, што може да доведе до воспаление кое е познато како гастритис.

 

Гастритисот може да предизвика:

  • Болка во мевот
  • Повраќање
  • Дијареја
  • Крварење во желудникот

Алкохолна кетоацидоза

 

Друга можна причина за повраќање после пиење на алкохол е алкохолната кетоацидоза (АКА). Таа типично се појавува кај хронични конзументи на алкохол иако може да се појави и кај оние кои практикуваат повремено „брзо“ пиење на алкохол. Обично оние луѓе кај кои се појавила АКА, после конзумирање на алкохол, не се во можност да толерираат храна во наредните еден до три дена.

 

Кај луѓето со АКА обично постои подолготрајно повраќање и болка во мевот. АКА може да биде животозагрозувачка без соодветен и брз третман. Сите кои сметаат дека можеби имаат АКА, најдобро би било да побараат помош од лекар, што е можно побрзо.

 

Аклохолно труење

 

Алкохолното труење е друга потенцијало фатална причина која предизвикува повраќање после пиењето на алкохол. Алкохолното труење се појавува кога се внесува особено голема количина на алкохол во краток временски период.

 

Обично, сиптомите на алкохолното труење вклучуваат:

  • Ментална конфузија
  • Тешко одржување на свесност, односно неспособност да се остане буден
  • Повраќање
  • Грчеви
  • Успорено дишење (помалку од десет вдишувања во минута)
  • Неправилно дишење (повеќе од 10 секунди помеѓу вдишувањата)
  • Успорена срцева фреквенција
  • Бледа и олабавена кожа
  • Отапени реакции
  • Многу ниска телесна температура
  • Губење на рефлекси

Доколку сте во близина на некој кој ги има овие симптоми после конзумирање на поголема количина на алкохол, нјапрепорачливо е веднаш да се побара помош од лекар.

 

Позитивни страни од повраќањето после пиењето на алкохол

 

Повраќањето после пијанство може да ја намали болката во мевот која е предизвикана од алкохолот. Ако повратите брзо после конзумирањето на алкохолот, тогаш телото можеби и нема да го апсорбира алкохолот, што пак може да ги олесни симптомите.

 

Сепак, ризикот од повраќање после пиењето на алкохол е многу поголем во однос на потенцијалните бенефити.

 

Ризици и несакани ефекти

 

Повраќањето после пијанството може да доведе до појава на сериозни несакани ефекти.

 

Да имате гадење во случај кога вашето тело е високо „затруено“ е особено опасно заради можноста од губење на свеста пред или за време на повраќањето. Во ваков случај постои ризик од вдишување на сопствената повраќаница, а со оглед на тоа дека алкохоолното труење ги ослабува рефлексите, може да се појави гушење кое може да предизвика смрт.

 

Вдишувањето на повраќаница е опасно и тогаш кога не постои ризик од онесвестување, заради тоа што при вдишување на повраќаницата, може да се појави пневмонија.

 

Насилното предизвикување на повраќање, може да доведе до оштетување на езофагусот, а тоа може да доведе до крварење.

 

Пролонгираното повраќање може да предизвика дехидратација, а тоа значи дека нема да има доволно вода за непречено функционирање на телото.

 

Симптомите на дехидратација вклучуваат:

  • Суви и лепливи усни и уста
  • Отечен јазик
  • Слабост
  • Иритабилност
  • Вртоглавица
  • Дезориентираност
  • Гадење
  • Повраќање
  • Главоболка
  • Запек
  • Сува кожа
  • Темно жолта урина

Дали би требало да се принудите на повраќање после пиење на алкохол?

 

Иако ова можеби изгледа како добра идеја кога чувствувате гадење, сепак не би требало да предизвикате повраќање.

 

Предизвикувањето на повраќање со прсти или некаков предмет, содржи ризик од оштетување на елементите на грлото.

 

Оние кои често си предизвикуваат повраќање, може да се соочат со симптоми како:

  • Електролитен дизбаланс
  • Појава на чиреви
  • Оштетување на слузницата
  • Дехидратација

Повраќање од алкохол кога не сте пијани

 

Повремено, можно е постоење на пореметување кое може да биде предизвикувач на гадење после конзумирање дури и намали количини на алкохол:

 

Алкохолна нетолеранција

Тоа е состојба на неспособност за метаболизирање на алкохолот.

 

Симптоми:

 

  • Низок крвен притисок
  • Гадење
  • Повраќање
  • Дијареја
  • Црвенило на лицето
  • Кожни промени кои предизвикуваат чешање
  • Отежнато дишење и влошување на состојбата на астма (кај тие што ја имаат).

Кај некои од луѓето можна е и нетолеранција на одредени состојки на алкохолниот пијалок, како на пример сулфатите, конзервансите и сл.

 

Мешање на алкохолот

 

Мешањето на алкохолот со други „материи“ може да биде особено опасно. Алкохолот може да ги интензивира ефектите на одредени медикаменти и супстанции што би можело да доведе до појава на:

  • Гадење
  • Повраќање
  • Главоболки
  • Несвестици
  • Губење на координација

Мешањето на некои медикаменти со алкохол, може да го зголеми ризикот од внатрешно крварење, срцеви проблеми и отежнато дишење. Заради тоа, од особена важност е да прочитате дали при примање на конкретните медикаменти, може да пиете алкохол.

 

Мешањето на алкохолот со некои од стимулативните средства и наркотици, често води до појава на сериозни органски оштетувања и смрт.

 

Дополнителни здравствени проблеми

 

Одредени здравствени проблеми може да предизвикаат поизразено чувство на гадење и повраќање при конзумирањето на алкохол.

 

Алкохолот може да предзвика иритација на слузницата на желудникот, а тоа да може да доведе до појава на гастрит, перфорирање на постоечки улцер и слично.

 

Трезнење

 

Луѓето тврдат дека постојат различни начини за побрзо и полено трезнење. Сепак, методите како пиењето на кафе, туширањето со ладна вода или трчањето и не се баш така ефикасни и корисни.

 

На пример кофеинот може да ја продлабочи дехидратацијата. Понатаму, кога некој е пијан, тогаш постои пореметена координација, па каква и да е физичка активност може да доведе до сериозни повреди. Алкохолот ја намалува телесната температура, па туширањето со студена вода е чекор во погрешен правец, односно тоа е нешто што би можело да предизвика хипотермија.

Најдобра работа што може да ја направите за да ги намалите ефектите на алкохолот, е умереното пиење или апстинирањето од алкохолот. Пиењето на не повеќе од 14 чаши (дози) алкохол неделно, може значително да го намали ризикот од несаканите ефекти на алкохолот.

 

Јадењето на оброк кој е богат со јагленохидрати пред пиењето на алкохол, може да го успори апсорбирањето на алкохолот во телото, со што се намалуваат и несаканите ефекти. Пиењето пак на вода или сок, помеѓу алкохолните пијалоци, може исто така да го намали ефектите на алкохолот.

 

Заклучок

Постојат многу причини зошто се повраќа после пиењето на алкохолот. Иако може да ги ослаби непосредните симптоми, повраќањето при пијанство, може да предизвика сериозни здравствени проблеми.

 

Не би требало да се принудувате на повраќање после пијанство, дури и тогаш кога чувствувате гадење.

 

Во случај кога ги чувствувате погореспоменатите симптоми на алкохолно труење, задолжително побарајте помош од лекар.

   

Ние го слушаме вашето срце!

            

НАЗАД...

Кој е наздравиот Начин на исхрана?

 

Зависи кој ќе го прашате.

 

Многу лекари и нутриционисти тврдат дека го знаат „идеалниот“ начин на исхрана кој ќе ви овозможи здравје. Сепак поголемиот дел од нив не се согласуваат меѓусебно околу поедини фундаментални принципи на исхраната. 

 

Па, кој е во право... а кој греши?

 

Вистината е дека не постои унифициран начин на исхрана кој е подеднакво добар и корисен за сите, а во насока на обезбедување на подобро здравје.

Како вид, луѓето се доста слични на генетско ниво, а сепак како индивидуи можеме да бидеме неверојатно различни.

 

Заради тоа некои луѓе се чувствуваат одлично со веганскиот начин на исхрана, додека други претпочитаат палео начин на исхрана. Тоа се два различни начини на исхрана кои се чини дека ги претставуваат двете крајности во можните начини на исхрана.

 

Палео диетата вклучува месо, но исклучува зрнести и мешункасти продукти. Истовремено, веганската диета се темели на користење на зрнеста и мешункаста храна но го исклучува месото и останатите животински продукти.

 

Како е можно и двата начини на исхрана да функционираат?

 

Ако добро се разбере, секоја диета вклучува многу растителни продукти, а го минимизира внесот на процесираната храна.

 

Ова би можел да биде оквирниот начин на здравата исхрана.

 

Користејќи го ова како почетна точка, можете да ги пополнувате празнините на начин за кој сметате дека го задоволува вашиот вкус и единствени физиолошки потреби, со додавање на висококвалитетни масти (јаткасти продукти, семиња, авокадо, маслиново масло, масна риба), јагленохидрати (цели житарици, овошје, зеленчук) и растителни или животински протеини (мешунки, соја, риба, удина, живина, јајца, млечни продукти).

 

Разновидноста во исхраната е препорачлива заради внесување на потребната количина на витамини, минерали, влакна и фитохемикалии, кои се неопходни за оптимални придобивки по вашето здравје.

 

Мора да знаеме дека нема само една, туку постојат различни комбинации на прехрамбени продукти преку кои може да се постигне посакуваната цел. 

Иако сите имаат потреба од јагленохидрати, масти и протеини, сепак не постои „волшебен“ сооднос кон кој мора строго да се придржуваме, се додека ги избегнуваме екстремите - крајностите. 

 

Всушност, голем број од поновите истражувања откриле дека квалитетот на храната која ја јадете (секако избегнувајќи ја процесираната храна), е многу поважен од тоа дали продуктите се со намалена количина на масти, шеќер или нешто помеѓу тоа. 

 

Сакате да знаете повеќе?

Прочитајте во „Основни принципи на исхрана и правилна исхрана на спортисти“.

         

        

Ние го слушаме вашето срце!

             

НАЗАД...

Вашите раце ги содржат некои од најосетливите рецептори за допир во целото тело. Сите тие рецептори се поврзани со вашиот мозок преку мрежа од нерви.

 

Ако еден од тие нерви или еден дел од тие нерви е на некој начин оштетен, постои можност, вашиот мозок да не ги добива сите сензорни информации кои вашите раце ги испраќаат. Како резултат на тоа, може да се појави чувство на здрвеност.

 

Еден од најчестите предизвикувачи на здрвеност во рацете е „карпалниот тунел“ – состојба при која n.medianus е притиснат (приклештен) во регијата на вашиот зглоб. Оваа состојба е честа кај луѓето кои поминуваат долго време на компјутер.

 

Покрај здрвеноста, симптомите на „карпалниот тунел“ вклучуваат чувство на отеченост на еден или повеќе од вашите прсти, особено на вашиот палец, показалец и среден прст. Доколку чувствувате некои од овие симптоми, препорачуваме да побарате помош од лекар.

 

Но, што друго може да предизвика чувство на здрвеност на вашите раце?

 

Тениски лакт

 

Ако сте тенисер или учествувате во која и да е активност за која е потребно постојано превиткување на вашата рака, зглоб или лакт, тогаш сте изложени на зголемен ризик од епикондилитис односно „тениски лакт“.

 

Додека кај напредната форма на тениски лакт манифестна е болка во лакотот, во раните фази се манифестни здрвеноста и слабоста во рацете.

 

Пореметувања кај тироидна жлезда

 

Најверојатно ова и не е нешто што прво доаѓа на памет кога се работи за здрвеност на рацете, но пореметувањата на тироидната жлезда можат да бидат предизвикувачи на такви симптоми.

 

Недијагностициран и нелекуван хипотиреоидизам (намалена сктивност), може да резултира со оштетување на нервите кои ги пренесуваат информациите помеѓу мозокот и р`бетот и остатокот од вашето тело. Ако покрај здрвеност во рацете, забележите и паѓање на косата, дебелеење или постојано чувство на студ, тогаш време е да побарате помош од лекар.

 

Алкохолизам

 

Долготрајното конзумирање на алкохол, може да доведе до алкохолна невропатија или оштетување на нервите (U.S. National Library of Medicine –NLM). Повеќе од половината од алкохоличарите развиваат некаква форма на ова пореметување. Симптомите вклучуваат: здрвеност во рацете, чувство на боцкање и иглички, мускулна слабост и грчеви.

 

(За алкохоличари се сметаат жени кои пијат повеќе од три пијалоци на ден или мажи кои пијат повеќе од четири пијалоци на ден).

 

Цисти

 

Ганглионските цисти се неканцерогени испакнувања (џумки) или депозити кои може да се формираат насекаде во телото, но најчесто се појавуваат околу зглобовите. Овие цисти се многу чести и ако некоја се формира на зглобот на дланката, тогаш често се појавува и здрвеност.

 

Овие чисти понекогаш се повлекуваат сами од себе. Но, ако не се повлечат, тогаш предизвикуваат болка или здрваност. Заради тоа вообичаено се отстрануваат со операција или дренажа на содржината на цистата.

 

Гилијан-Баре Синдром (Guillain-Barre Syndrome)

Ова е автоимуно заболување при кое вашиот имунолошки сиостем по грешка ги напаѓа вашите нерви при што предизвикува оштетувања кои можи да доведат до здрвеност на рацете.

 

Лајмска болест

 

Тоа е состојба која може да се добие само преку каснување од крлеж. Раните симптоми вклучуваат сериозно чувство на замор, осип на кожата, симптоми налик на грип, болки низ телото и чувство на студ. Ако оваа состојба не се лекува, вообичаено како следни симптоми се појавуваат болки во зглобовите и здвеност на екстремитетите.

 

Мултипла Скероза

 

При ова заболување, имунолошкиот систем ја напаѓа масната супстанца која ги штити нервните влакна во мозокот и р`бетот. Тоа може да доведе до чувство на здрвеност.

 

Мултиплата склероза може да се појави на било која возраст, но сепак најчесто се појавува во периодот помеѓу 20-тата и 30-тата година. Два пати почесто се појавува кај жените. Иако симптомите се различни, слабост на мускулите како и пореметување на видот во комбинација со здрвеност на рацете се вообичаено детерминирачка комбинација за Мултипла Склероза.

 

Мозочен удар

 

Здрвеноста ворацете или чувството на нивна слбост може да бидат знааци за мозочен удар. Другите рани знаци се: искривена насмевка, отежнат говор, отежнат процес на размислување, вртоглавица и заматен вид. Ако ги забележите овие симптоми, веднаш побарајте помош од лекар.

 

Дурии ако сте млади сепак може да добите мозочен удар. Околу 10 % од пријавените случаи се помлади од 45 години. Дополнително, ако сте со добра општа здравствена состојба и истовремено сте физички активни, тоа не е значи дека за вас ризик не постои.

 

Дијабет

 

До сега сигурно знаете дека честото мокрење, претераното чувство на жед и зголеменото ниво на шеќер во крвта се знаци за преддијабетична состојба, односно состојба во која сеуште немате дијабет но ризикот е значително висок.

 

Ако имате вакви симптоми, мора да посетите лекар што е можно побрзо.

 

Но, многу луѓе кои развиле Дијабет Тип 2, најчесто не се свесни за тоа. Ако ваквата состојба остане нелекувана, постои можност да се појави здрвеност на рацете како резултат на оштетување на нервите.

 

Заматен вид, проблеми со бубрезите и срцеви проблеми, се дел од ризиците кои се поврзуваат со нелекуван дијабет. 

 

Ние го слушаме вашето срце!

 

НАЗАД...

http://www.cormedico.com.mk/
http://www.cormedico.com.mk/

27.07.2020

 Анафилактичен шок

18.07.2020

Зошто вашите раце се здрвуваат

07.08.2020 

Што треба да знаете за повраќањето после пијанството

31.07.2020

Како изгледа здравиот начин на исхрана?

http://www.cormedico.com.mk/
http://www.cormedico.com.mk/
http://www.cormedico.com.mk/
АНАФИЛАКТИЧЕН ШОК...
http://www.cormedico.com.mk/
http://www.cormedico.com.mk/