ПОСВЕТЕНОСТ ОД 2010 ГОДИНА
НИЕ ГО СЛУШАМЕ ВАШЕТО СРЦЕ
ПОЧЕТНА     НОВ ПАЦИЕНТ     ЗАКАЖИ ПРЕГЛЕД     УСЛУГИ     ЗА НАС                                                                                                                      in     t

Целосна посветеност на Вас и Вашето здравје!

Достапни за Вас, секогаш и насекаде!

Програма +

Вашиот личен лекар, секогаш со Вас, секогаш за Вас!

© 2018 COR Medico, PZU. All Rights Reserved           

 

                                                      АРХИВА 

 

 

Производителите на продукти за „детоксикација“ упорно се обидуваат да објаснат дека токму нивните продукти ќе го „исчистат“ вашето тело од токсини. Но, доколку поразговарате за тоа со стручен и одговорен лекар, тогаш многу јасно ќе ви биде кажано дека вашето тело има вграден систем за детоксикација и чистење на телото, а тоа е вашиот црн дроб.

 

Црниот дроб не само што делува како филтер за вашата крв, туку произведува и хормони, складира енергија и создава соединенија кои го олеснуваат варењето на храната. И ова се само неколку од особено важните функции на црниот дроб.

 

Имајќи ја во предвид големата улога на црнот дроб во одржувањето на здравјето, обично се претпоставува дека и мали проблеми во неговата функција може да предизвикаат значителни пореметувања во целокупната здравствена состојба. Но тоа не точно.

 

Hepatitis C порано се нарекуваше „тивка епидемија“, заради тоа што многу луѓе кои го имале тоа заболување, не биле свесни за тоа, се до појавата на знаци или симптоми на проблеми кај црниот дроб, било да е тоа заради хепатитис, замастување на црниот дроб или нешто друго, кои всушност претставуваат манифестација на напредната цироза.

 

Цироза е назив за сериозно оштетување на црниот дроб кое се појавува како резултат на долготрајно заболување или повреда. Цирозата би можела да се гледа како артритис на црниот дроб. Кога еднаш ќе се појави, тоа е знак за сериозен проблем. Пациентите со цироза на црниот дроб имаат значително зголемен ризик од појава на рак на црниот дроб што најверојатно ќе доведе до потреба од трансплантација.

 

Замастувањето на црниот дроб (кое често се појавува при состојба на дебелина – прекумерна телесна тежина), е една од најчестите предизвикувачи на сериозни проблеми кај црниот дроб. Според некои проценки, околу 25 милиони луѓе имаат замастен црн дроб. Различните форми на хепатитис, како и прекумерното пиење на алкохол, се исто така чести предизвикувачи на проблеми кај црниот дроб.

 

Умереното конзумирање на алкохол, избалансираниот начин на исхрана и честата дозирана физичка активност, се најдобра одбрана за вашиот црн дроб. Секако редовната лекарска контрола е особено корисна во одржувањето на здравјето на вашиот црн дроб.

 

За среќа, постојат и неколку симптоми кои се поврзани со заболувањата на црниот дроб:

 

Абдоминални болки

 

Чувство на затегнатост, отеченост и болка во горниот десен дел од мевот, претставува сериозен знак за проблеми на црниот дроб. Доколку вашиот црн дроб е заболен или воспален, еден од првите знаци ќе биде ваквиот тип на болка.

 

Жолтеникави очи и кожа

 

Кога вашето тело ги разградува старите крвни клетки, еден од нуспродуктите кои се создаваат е жолтеникаво соединание наречено билирубин. Додека здравиот црн дроб нема проблем да го отстрани билирубинот, заболениот црн дроб дозволува насобирање на билирубинот во крвта, што пак е причината за појава на жолта боја на очите и кожата. Дополнително, темната боја на урината и бледиот тен на лицето се исто така симптом за заболување на црниот дроб.

 

Болка во зглобовите

 

Болки во зглобовите кои наликуваат на артритис, гадење, повраќање, вртоглавица и губење на апетит се симптоми кои се поврзуваат со заболување на црниот дроб – особено со автоимуниот хепатитис. Ова е всушност заболување во кое вашиот имунолошки систем по грешка ги напаѓа клетките и ткивото на вашиот црн дроб. Ова заболување е почесто кај жените во споредба со мажите.

 

Точки (акни) на кожата

 

Заради тоа што вашиот црн дроб не ја чисти правилно вашата крв, можна е појава на затнување на помалите крвни садови, особено на оние кои се блиску до површината на кожата. Заради тоа можат да се појават „мрежести ангиоми“ или големи кожни флеки кои наликуваат на пајак или пајакова мрежа. Ваквите флеки се најчесто лоцирани на градите и торзото.   

 

Конфузија

 

Заболениот црн дроб може да дозволи насобирање на премногу бакар во крвта и мозокот. Ова може да доведе до „Алцхајмерова конфузија“. Ваквиот тип на конфузија е поврзан со напредна фаза на заболување на црниот дроб, што значи дека е помалку вреојатно да ова биде прв (или единствен) симптом кој може да се појави при заболување на црниот дроб.

 

Загуба на мускули

 

Зголемен мев или потечени зглобови во комбинација со слаби и тенки раце и нозе, може да бидат резултат на дисбалансот на течности кој се појавува заради заболување на црниот дроб. Губењето на мускулите може да се појави и над образите и околу слепоочниците. Но сепак, ова се симптоми на напредна фаза на заболување на црниот дроб и не е нешто што веројатно би го забележале неочекувано.

 

Доколку забележите некои од следниве промени, препорачливо е веднаш да побарате совет и помош од вашиот лекар

   

Ние го слушаме вашето срце!

 

НАЗАД...

 

Во периодот 2015-2016 година, вкупно 41,5 % од момчињата на возраст од 16 до 19 години се регистрирани како „деца со зголемена телесна тежина“, а тоа претставува пораст од пред две години, кога вкупно 36,7 % биле „деца со зголемена телесна тежина“. Состојбата е полоша кај девојчињата во истата возрасна група: 47,9 % од нив биле регистрирани како „дебели“, што претставува значителен пораст од регистрираните 35,6% во периодот 2013-2014 година.

 

Нормално дека овај тренд е неповолен.

Постои уште еден загрижувачки тренд кај децата на возраст од 2 до 5 години, каде 26 % од нив се регистрирани како „дебели“.

 

Состојбата кај децата од предшколска возраст е особено загрижувачка, особено заради тоа што резултатите од повеќе научни истражувања покажале дека ако детето е со зголемена телесна тежина во предшколска возраст, тогаш најчесто останува дебело и после адолесценцијата.

 

Проблемот е во тоа што веќе не постои „бебешка дебелина“.  Дебелината не се надминува со стреењето на детето.

 

Тоа има неповолни импликации по идното здравје на нашите деца, особено заради тоа  што дебелината кај возрасните најчесто е поврзана со лоша здравствена состојба и раната смрт.

 

Културните и социоекономските фактори играат голема улога во состојбата на зголемена телесна тежина. Иако е општо познато дека правилниот начин на исхрана и редовната физичка активност се најважни во одржувањето на здравјето, сепак треба да бидеме свесни и дека постојат многу фактори кои влијаат на тоа што јадеме и колку сме физички активни. Каде живееме (има свое влијание кон достапноста од разновидна исхрана и цената на истата), нашите приходи, достапноста на опции за физичка активност, училишните програми (едукативни и рекреативни), нашата дневна рутина..., сето ова има свој импакт врз нашата и телесната тежина на нашите деца.

 

Кај нас (за разлика од останатиот дел на цивилизираниот свет) постојат многу малку иницијативи за борба со „дебелината на децата“. Проблемот е премногу голем и комплексен за да биде занемарен, а нормално е и дека нашата индивидуална иницијатива и напор се недоволни за да направат позитивен исчекор за поголемиот дел од нашите деца.

 

Тоа не значи дека не можеме да направиме ништо, затоа што можеме. Една работа што сите можеме да ја направиме и која треба да ја направиме е сериозно да пристапиме кон проблемот. Не постои единствено решение кое може да помогне на секое дете, но секогаш може да се направи барем по нешто за секое дете, особено ако средината во која живееме обрне барем малку внимание и не се предаде.

 

Но, еве што секој од нас како родител би требало да направи:

 

Проверете дали вашето дете е дебело. Постојат пресметки кои ги можат прецизно да ја утврдат состојбата на телесната маса на децата и возрасните...прочитајте повеќе за BMI во „Основни принципи на исхрана и правилна исхрана на спортисти“.

 

Ако вашето дете е дебело, не игнорирајте го тоа. Разговарајте со вашиот лекар. Направете промени и придржувајте се кон нив. Нема потреба да го критикувате вашето дете заради неговата/нејзината дебелина и уште поважно, никогаш не го ставајте вашето дете на рестриктивна диета, освен ако тоа не е изричито побарано од вашиот лекар. Малите и едноставни промени, како избегнувањето на газираните сокови, зголемениот внес на зеленчук и овошје, лимитирањето на внесот на брза храна, преработените млечни производи, колачите, тортите и кондиторските производи, може да направи голема разлика.

 

Потрудете се вашето дете да биде физички активно. Ова се однесува на сите деца, без разлика дали се дебели или не. Навиките стекнати во детството, остануваат за целиот живот, а физичката активност овозможува подобро здравје. Сите може да бидат активни, секогаш постои начин да се направи тоа. Секое дете треба да биде физички активно барем еден час дневно. Децата поминуваат многу повеќе од тоа пред телевизор или компјутер. Ако успеете да замените барем еден час од гледањето телевизија со физичка активност, тогаш ќе успеете да направите значителна позитивна промена во здравјето на вашето дете.

 

Користете разновидна исхрана. Ова се однесува за целото семејство, а не само на децата. Тоа е инвестиција во сечие здравје.

 

Ако не сте сигурни како треба да ги направите овие промени или ако вашите напори не се успешни,тогаш повелете кај нас.

 

Некогаш е потребно само разговор за да се пронајде најдоброто решение.

Најважно е како да обезбедиме напредување на нашите деца, впрочем ние им го должиме тоа.

      

Ние го слушаме вашето срце!

            

НАЗАД...

Вашите мускули и зглобовите се здрвени и со зголемена чувствителност на болка кога наутро ќе станете од спиење. Еве зошто.

 

Познато ви е чувството кога ќе заспиете во сосема добра состојба, а се будите со чувство дека ќе биде потребна дигалка за да ве подигне од креветот. Се ве боли наутро и тоа не е заради тоа што сте спиеле во неправилна положба или на лоша перница.

 

Според едно испитување на University of Manchester објавено во журналот на Federation of American Societies for Experimental Biology  во кое биле користени човечки клетки и клетки од глувци заболени со реуматоиден артрит (РА), се покажало дека нашето тело го пасивизира воспалението во периодот додека спиеме.

 

Пациентите кои се заболени од РА се свесни дека нивните симптоми може да варираат во текот на денот, со особена здрвеност во зглобовите при утринското будење. Но многу малку се знае за тоа како нашето тело ја контролира болката, или како нашиот внатрешен саат ни кажува кога треба да одиме на спиење.

Токму овие дилеми биле оние кои истражувачите во споменатото испитување се потрудиле да ги објаснат. Тие откриле дека кога глувците биле изложени на постојана светлина, нивните зглобови биле со поголеми отоци и истовремено зголемено ниво на воспалителни маркери во крвта. Во услови на темница, нивото на овие маркери се намалувало. Во текот на истражувањето се потврдило дека при ноќното спиење нивото на воспалителните маркери се намалувало, за да постепено се зголеми нивното ниво во текот на утрото. 

 

Во нашето тело постојат специфични протеини кои го контролираат работењето на нашите внатрешни часовници. Се чини дека еден од тие протеини (cryptochrome) го контролира и нивото на воспалението. Се претпоставува дека во блиска иднина ќе може да се утврди во кој период од денот, анти инфламаторните лекови ќе имаат најголем ефект, или дури и дека ќе може да се развијат третмани кои ќе го стимулираат протеинот (cryptochrome) кој го намалува воспалението.

 

Во меѓувреме, знаејќи дека дневно ноќниот ритем влијае врз нивото на болка, најлесно би било да ги прилагодите своите активности спрема денот и ноќта. Значи, најпрепорачливо е воспоставување на редовен ритем на спиење и придржување кон истиот. Придржувајте се кон времето за спиење и будење што е можно попрецизно, дури и за време на викенди.

 

Ако пак планирате да имате физичка активност рано наутро, тогаш одделете доволно време за загревање или уште подобро би било преместувањето на физичката активност во попладневните часови.

 

Сепак, дали наутро или попладне, умерена рекреативна физичка активност треба да има, без разлика на пол, возраст, телесна маса и слично, најмногу заради тоа што во многу различни испитувања се покажало дека умерената физичка активност обезбедува бенефити по здравјето на човекот, но за тоа во некој од текстовите кои следат...

        

    

Ние го слушаме вашето срце!

             

НАЗАД...

Во последниве 10-15 години, драматично е сменета перцепцијата за срцевите заболувања кај мажите и жените. Диспаритетот во честотата, тежината на болеста, разликите во третманот но и различната прогноза, иницираше бројни истражувања. Овие истражувања, доведоа до сознание дека навистина мажите и жените НЕ се исти, особено во делот на срцевите заболувања. Имено, се докажа дека општо прифатеното верување дека срцевите болести кај жените се полесни и дека се јавуваат подоцна не е сосема точно. Напротив некои опсервации укажуваат дека честопати кај жените, тежината на кардиоваскуларните болести е посериозна, прогнозата понеповолна, симптомите мошне различни од мажите, што пак условува и одредени неповолни разлики во третманот.

 

Студијата објавена во 01.2020 во весникот на  Американската медицинска асоцијација (ЈАМА), дава индикација за една од можните причини за меѓуполовата разлика во КВБ. Студијата опфатила 33.000 испитаници, на кои им е следен крвниот притисок, пулсниот притисок и среден артериски приситок во рок од 43 години. Тргнувајки од фактот  дека крвниот притисок е значаен фактор за развој на срцеви заболувања, истражувачите дошле до следните сознанија:

  • Крвниот притисок кај жените се покачува многу порано од мажите – почнувајќи од третата деценија
  • Покачувањето е многу побрзо и поголемо
  • Зголемувањето на ризикот за КВБ е многу поголемо. На пример `жена на 30 години со висок крвен притисок има поголем ризик за срцеви заболувања од маж со висок крвен притисок на истата возраст.

 

Објаснувањата се движат од познатите ризик фактори како што се секојдневниот стрес, недоволно спиење, пушење и слично, до некои полово специфични фактори како што се хормоналните варијации но и анатомските разлики во градбата на крвните садови.

 

Истражувачите заклучиле  дека студијата укажува на фундаментални разлики во анатомијата и физиологијата на двата пола кои условуваат различна реакција на исти ризик фактори, и последично на тоа, и на разлики во развојот, манифестацијата и прогнозата на срцевите заболувања.

 

И додека студијата ги потврдува претходните сомнежи за полови разлики кај срцевите заболувања, таа самата е недоволна за извлекување на големи заклучоци и упатува на потребата од понатамошни истражувања во оваа област.

 

Ние го слушаме вашето срце!

 

НАЗАД...

http://www.cormedico.com.mk/
http://www.cormedico.com.mk/

23.01.2020

 6 знаци кои предупредуваат на проблеми со црниот дроб

24.01.2020

Крвните садови кај жените стареат побрзо отколку кај мажите?

07.02.2020 

Децата и зголемената телесна тежина

14.02.2020

Зошто наутро ве боли се?

http://www.cormedico.com.mk/
http://www.cormedico.com.mk/
http://www.cormedico.com.mk/
6 ЗНАЦИ КОИ ПРЕДУПРЕДУВААТ НА ПРОБЛЕМИ СО ЦРНИОТ ДРОБ...
http://www.cormedico.com.mk/
http://www.cormedico.com.mk/